Novedá en Llingua asturiana de Jorge Fernández:
Nel y los Intraterrestres
Jorge Fernández presenta nuevu llibru enllenu d'imaxinación y aventures que se desarrolla na zona rural. Ta ilustráu por Enrique Carballeira.
"Ver a Nel salir de casa del so güelu con una fesoria, un palote o una pala al llombu nun yera nada raro. Aquel neñu, que yá diba pa los diez años, tenía munches aficiones. Ente elles habíales más o menos normalines; esto ye, de les que-yos suelen prestar a tolos neños: dir de monte, les acampaes, dir de pesca, montar en bici, etc... Pero, amás d'eso prestáben-y en forma otres dos coses que yá nun yeren tan frecuentes pa un neñu de la so edá".
Depués del so anterior trabayu "El Misteriu del Vassilius Destounis", Jorge Fernández presenta agora una nueva aventura protagonizada por un rapaz, Nel, qu'un bon día fai un descubrimientu mui especial nun prau cerca casa. A partir d'ehí vivirá momentos fantásticos nuna historia con final inesperáu.
Asturtoons 2016
Tamaño A5 / Encuadernación rústica
74 páxines, con ilustraciones a color
7 euros
Pídilu y mandámostelu per corréu: asturtoons@gmail.com
